Janubiy Koreya hukumati Mercedes-Benz, Porsche va Nissan kompaniyalarini rekord summaga jarimaga tortdi, deb xabar berdi “Korrespondent.net”.
Avto ishlab chiqaruvchilar zararli dizel chiqindilarining tarkibi haqidagi ko‘rsatkichlarni kamaytirish uchun dasturiy ta’minotdan foydalangan. Mercedes-Benz to‘lashi kerak bo‘lgan jarima miqdori rekord daraja — 63,4 million dollarga teng.
Germaniyaning avtomobil ishlab chiqaruvchi kompaniyasi 2012—2018-yillarda ishlab chiqarilgan mashinalarning zararli tutunlari haqidagi hisobotni qalbakilashtirgan. Ro‘yxatda 12 ta modelga oid 37 mingta avtomobil bor.
C 200 d, GLC 220 d 4MATIC, GLC 250 d 4MATIC va ML 250 BlueTEC 4MATIC avtomobillari havoga standartda belgilanganidan 13 baravar ko‘proq tutun chiqargan.
Porsche va Nissan mos ravishda 817,3 va 735,6 ming dollardan jarima to‘laydi.
Janubiy Koreya atrof-muhit vazirligi avto ishlab chiqaruvchilarga nisbatan jinoyat ishi ham ochishi mumkin.
Izoh (0)