Ronaldo: Kuper o‘rmon bo‘ylab 3-4 kilometr yugurishga majbur qilardi

“Inter” sobiq hujumchisi Ronaldo “Barselona”dan milanliklar safiga o‘tishi va Ektor Kuper bilan ishlash jarayoni haqida gapirdi.

“Barselona”dan ketish haqida

“1997-yildagi Italiyaga qarshi o‘yindan so‘ng mening taqdirim noma’lum bo‘lib turgandi.

Men “Inter” bilan shartnoma imzolamagan edim. “Barselona” bilan kelishuvni uzaytirishga yaqin edim. Biroq besh kundan so‘ng “Inter” aloqaga chiqdi. Shu tariqa mening “Inter” va Italiyadagi chiroyli tarixim boshlandi”.

Kuper haqida

“Esimda, qizib olishimiz uchun u bizni o‘rmon bo‘ylab 3-4 kilometr yugurishga majbur qilardi. Buni jazo sifatida qo‘llaganmi yoki boshqa maqsadda, buni bilmayman. Bu dahshatli edi”.