Amerikalik Sara Ditmars Kexill qariyalar uyida yashovchi 94 yoshli onasini tug‘ilgan kuni bilan tabriklashga keldi, deb xabar berdi CBS News.
Koronavirus karantini tufayli keksa ayol qiziga yaqinlasha olmadi. Sara onasini uzoqdan turib tabrikladi. Ayol onasi uchun qo‘shiq kuyladi va raqsga tushdi. Biroq uning harakatlari kutilgan natijani bermagandek edi, go‘yo.
https://www.facebook.com/1455512893/videos/pcb.10220048877279645/10220048872479525
Shunda Sara ko‘chaning narigi tomonida nimanidir xirgoyi qilib, ishlayotgan erkakni ko‘rib qoldi. Ayol uning qo‘shig‘ini eshitib, erkakning o‘ziga yordam bera olishini fahmladi.
“Men uning chiroyli ovozini ko‘chaning narigi tomonidan eshitdim U naushnikda edi, men qo‘lim bilan unga imo qildim. U naushnikni yechib, menga qaradi. Unga chiroyli qo‘shiq kuylayotganini aytdim hamda onam uchun kuylab berishini iltimos qildim. U taklifimdan xursand bo‘lib ketdi”, — deydi Sara.
Albert ismli erkak keksa ayolga “Happy birthday to you” (Tug‘ilgan kuningiz bilan) hamda “His Eye Is On The Sparrow” (“Uning nigohi chumchuqqa qaratilgan”) qo‘shiqlarini shu darajada mahorat bilan kuylab berdiki, bu holat Good News nashrining e’tiborini tortdi.
Ushbu nashrda Albert haqidagi maqolani Gollivud aktyori Xyu Jekman ko‘rib qoldi. Hatto uning qo‘shig‘ini o‘z Instagram sahifasiga joylashtirdi.
https://www.instagram.com/p/B-pbZgmjr_v/
“Bu dunyoda ezguliklar naqadar ko‘pligini eslatuvchi o‘ziga xos lahzalardan biri. Siz bilan yaqindan tanishmoqchiman, ser. Agar kimda u haqda ma’lumot bo‘lsa, iltimos yozinglar. Men unga shaxsan rahmat demoqchiman”, — deb yozadi Xyu Jekman.
Izohlarda Sara Albert haqida aktyorga ma’lumot berdi. Uning so‘zlariga ko‘ra, ertasi kuniyoq Jekmanning kotibasi Albertga qo‘ng‘iroq qilgan va aktyorning u bilan uchrashmoqchi ekanligini aytgan.
Ushbu voqea nima bilan tugashi hozircha noma’lum. Albert Xyu Jekman bilan uchrashuvni intizorlik bilan kutyapti. U Saraning onasining yoniga yana bir marta borgan hamda kuylab bergan.
Izoh (0)