“Manchester Yunayted” yarim himoyachisi Pol Pogba mavsum yakunida jamoasini almashtirmoqchi.
Italiyalik jurnalist Nikolo Skiraning xabar qilishicha, 27 yoshli futbolchi uchun asosiy variant “Yuventus” bo‘lib turibdi. Turinliklar klubi Pogbaning agenti Mino Rayola bilan muzokaralarni boshlab yuborgan.
Fransiyalik futbolchi jarohat sabab joriy mavsum deyarli maydonga tushmadi. Uning “Manchester Yunayted” bilan amaldagi shartnomasi 2021-yilning yoziga qadar mo‘ljallangan, biroq inglizlar uni 2022-yilga qadar uzaytirish huquqiga ega.
Avvalroq Ispaniyaning AS nashri Pogba “Real”ga o‘tish istagida ekani haqida xabar qilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)