Ijtimoiy tarmoqlarda Qozog‘istonda COVID-19 koronavirusi aniqlangan ikki nafar O‘zbekiston fuqarosi “yengil tabiatli” qizlar ekanligi to‘g‘risida tarqalgan xabarlar haqiqatga to‘g‘ri kelmaydi. Bu haqda Mang‘istov politsiya departamentiga tayanib, “Lada.kz” xabar berdi.
“Internetda koronavirus aniqlangan ikki nafar O‘zbekiston fuqarosi fohishalik bilan shug‘ullangani haqida xabarlar tarqaldi. Ular 14-mikrorayondagi 38-sonli uydagi kvartirada ijarada turgan va avvalroq kasallik aniqlangan 11-mirorayondagilar bilan aloqada bo‘lgan.
Ushbu ma’lumot haqiqatga to‘g‘ri kelmaydi. Pandemiya fonida yolg‘on axborot tarqalishi mumkin, aholi bunga tayyor bo‘lishi kerak. Barcha to‘g‘ri xabarlar ishonchi manbalar tomonidan tarqatilishini unutmaslik kerak. Yolg‘on axborot tarqatganlik uchun javobgarlik bor”, — deyiladi idora xabarida.
Mavzuga doir: O‘zbekistonda koronavirus qayd etilgan bemorlar soni va ular davolanayotgan hududlar bo‘yicha ma’lumot berildi
Izoh (0)