Eronda mashhur Shoh-Cherax masjidi niqob tikish fabrikasiga vaqtincha aylantirildi, deb xabar beradi Iran Front Page nashri.
Koronavirus pandemiyasi tufayli masjid uzoq vaqt yopiq bo‘lgan. Hukumat koronavirus infeksiyasidan himoya vositalariga talab oshgani tufayli shunday qarorga kelgan.
Masjidga stol va tikuv mashinalari o‘rnatilib, niqoblarni tayyorlash ishlariga “Basij” harakati faollari jalb etilgan. Ta’kidlanishicha, ayollar bu yerda ikki haftadan beri mehnat qilmoqda.
Bundan tashqari, masjidning boshqa binosida rezina qo‘lqoplarni tayyorlash bo‘yicha kichik sex tashkil etilgan.
So‘nggi ma’lumotlarga ko‘ra, Eronda koronavirus bilan kasallanganlar soni 62 ming kishidan oshgan, 3,8 ming kishi vafot etgan.
Mavzuga doir:
Izoh (0)