“Liverpul” himoyachisi Virjil van Deyk Angliya Premyer Ligasining besh nafar futbolchisidan iborat terma jamoa tuzdi.
Bunda yagona shart: “Liverpul” futbolchilaridan foydalanish mumkin emas.
Darvozabon: Ederson (“Manchester Siti”)
“O‘ylashimcha, u mohir darvozabon. Joriy mavsum ko‘plab posbonlarning yorqin o‘yiniga guvoh bo‘ldik, ammo Ederson ular ichida birinchi bo‘ldi. Biroq u Alissondan ortda qoladi”.
Himoyachi: Emerik Lyaport (“Manchester Siti”)
“U “Manchester Siti”ga naqadar muhim ekanini ko‘rsatib qo‘ydi. Ajoyib himoyachi. U juda va juda yaxshi himoyachi, shu sabab uni tanladim”.
Yarim himoyachi: Kevin de Bryuyne (“Manchester Siti”)
“Bu yerda faqat “Siti” futbolchilar bo‘lib ketdi! Biroq de Bryuyne haqida ko‘p gapirishning hojati yo‘q. Avvalo, Kevin — yaxshi yigit, shu bilan birga yorqin ftubolchi. U fantastik o‘yinchi”.
Yarim himoyachi: Son Hyon Min (“Tottenhem”)
“U tezkor, kuchli, maydonga himoyachilar hayotini jahannamga aylantirish uchun tushadi. O‘ng va chap oyoqda birdek zarba yo‘llashi — shunchaki aqlbovar qilmas. Shunday ekan, menimcha, uni tanlayman”.
Hujumchi: Pyer-Emerik Obameyang (“Arsenal”)
“Joriy mavsum namoyish etgan o‘yini sabab uni tanladim. Lyakazett va Obameyang — fantastik hujum dueti. Shuningdek, Agueroni ham qo‘yish mumkin edi, biroq Obameyang raqamlar va kelganidan buyon ko‘rsatayotgan o‘yini sabab bu rolga munosib”, — deya tanlovlarini izohladi van Deyk.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)