O‘rta Chirchiq tumanining O‘rtasaroy hududidagi yangi tibbiyot klinikasining davolanuvchilari uchun qurilgan “palata”larning birinchi partiyasi ketishga tayyor bo‘lgani haqida xabar berilgandi. Qurilish vazirligining xabar berishicha, 27-mart kuni xorijdan olib kelingan 650 nafar fuqaro ushbu “konteyner-palatalar”ga joylashtirilgan.
Ma’lumotlarga ko‘ra, 55 gektar hududda 3467 ta konteyner o‘rnatiladi, barcha qulayliklarga ega konteynerlar 4 nafardan 8 nafargacha shaxs uchun mo‘ljallangan.
Poytaxtdan 25 kilometr uzoqlikda joylashgan maxsus shifoxonada charter reyslarda xorijiy mamlakatlardan olib kelinadigan o‘zbekistonliklar karantinda saqlanadi.
Avvalroq O‘zbekistonda koronavirus bilan kasallanganlarni davolash va karantin uchun 10 ga yaqin shifoxona qurilayotgani haqida xabar berilgandi. So‘nggi ma’lumotlarga ko‘ra, O‘zbekistonda koronavirusga chalinganlar soni 104 kishiga yetdi. Mamlakatda koronavirusga qarshi kurashga 100 mingga yaqin tibbiyot xodimi safarbar qilingan.
Izoh (0)