Farg‘ona viloyati ko‘chalarida karantin qoidalariga rioya qilmay, tibbiy niqobsiz yurgan fuqarolar jarimaga tortildi. Bu haqda viloyat IIB axborot xizmati xabar berdi.
Farg‘ona viloyati IIB, Milliy gvardiya hamda Davlat sanitariya nazorat organlari hamkorligida 25-mart kuni tongdan Farg‘ona shahridagi holat o‘rganilganida jamoat joylarida niqobsiz yurgan fuqarolar aniqlandi. Ularga nisbatan Ma’muriy javobgarlik to‘g‘risidagi kodeksning 54-moddasiga ko‘ra (Epidemiyalarga qarshi kurash qoidalarini buzish) ma’muriy bayonnomalar tuzilgan.
Fuqarolar, jumladan, xodim va ishchilar o‘z ish joyida shaxsiy himoya vositalari (niqob)da bo‘lishi kerak, karantin qoidalarini buzganlarga nisbatan qonunchilikda belgilangan tartibda jazo choralari qo‘llanilmoqda. 25-mart kuni soat 06:00 dan boshlab shunday qoidabuzarlik qayd etilsa, bazaviy hisoblash miqdori (BHM)ning bir barobari miqdorida, mazkur holat yana qaytariladigan bo‘lsa, BHMning 3 barobari miqdorida jarimaga tortiladi.
Mavzuga doir:
Izoh (0)