O‘zbekiston Prezidenti Shavkat Mirziyoyev “O‘zbekiston Respublikasining fuqaroligi to‘g‘risida”gi qonunni imzoladi. Bu haqda “O‘zbekiston 24” kanaliga tayanib, “Sof.uz” xabar berdi.
Qonunga muvofiq 1995-yil 1-yanvarga qadar O‘zbekiston hududiga kirib kelgan va doimiy propiskadan o‘tgan, chet davlat fuqaroligini qabul qilmagan hamda mazkur qonun kuchga kirguniga qadar fuqaroligi bo‘lmagan shaxs O‘zbekiston fuqarosi deb tan olinadi.
Qonun bilan Prezident huzuridagi Fuqarolik masalalari bo‘yicha komissiyaning maqomi, asosiy vazifalari va vakolatlari belgilangan.
Jumladan, komissiya O‘zbekiston fuqaroligi masalalariga oid iltimosnomalarni ko‘rib chiqadi, Prezidentga ushbu masalalar yuzasidan takliflar kiritadi.
Qonunga ko‘ra O‘zbekiston fuqaroligi masalalarini ko‘rib chiqishda idoralararo elektron hamkorlik shakllantiriladi.
Ushbu qonun rasmiy e’lon qilingan kundan e’tiboran 6 oy o‘tgach kuchga kiradi. Qonunning ayrim moddalari va bandlari 2020-yil 1-apreldan e’tiboran amalga kiritiladi.
Mavzuga doir: Fuqarolik olishda o‘zbek tilini muloqot darajasida bilish shart qilib belgilanishi mumkin
Izoh (0)