Gruziyada voyaga yetmagan bolada birinchi bor koronavirus aniqlandi. Bu haqda Tengiz Sersvadze nomidagi yuqumli kasalliklar shifoxonasi boshlig‘iga tayanib, “RIA Novosti” xabar berdi.
Ta’kidlanishicha, koronavirus 12 yoshli o‘smirda aniqlangan.
“O‘n ikki yoshli bolakay izolyatsiyada bo‘lgan guruh a’zolari bilan shifoxonaga olib kelindi va ularda virus borligi tasdiqlandi”, — deyiladi xabarda.
Gruziyada hozirgi vaqtga kelib 23 kishida koronavirus aniqlangan. Ularning aksariyati Italiya va Eronga borib kelgan.
Avvalroq Turkiyada koronavirus bilan kasallanish bo‘yicha dastlabki holat qayd etilgani haqida xabar berilgandi. Ozarbayjonda esa koronavirus sabab Navro‘z bayrami tadbirlari bekor qilingan, shuningdek, Pentagon rahbari COVID-19 sabab O‘zbekistonga tashrifini amalga oshirmaydigan bo‘ldi.
Jahon sog‘liqni saqlash tashkilotining ma’lumotlariga ko‘ra, dunyo bo‘ylab koronavirus bilan kasallanganlar soni 113 ming kishidan oshib ketgan. Davolanishga muvaffaq bo‘lganlar 63 578 kishini tashkil etmoqda. Sog‘liqni saqlash vaziri Alisher Shodmonov esa O‘zbekistonga koronavirus kirib kelmaganini ma’lum qildi.
Izoh (0)