Qashqadaryo viloyati hokimining sobiq o‘rinbosari Maqsuda Mustafoyeva viloyatning Qarshi tumaniga hokim etib tayinlandi. Bu haqda 4-mart kuni bo‘lib o‘tgan tuman faollari yig‘ilishida e’lon qilindi, deya xabar bermoqda “Daryo” muxbiri.
Maqsuda Mustafoyeva ushbu tayinlovga qadar viloyat mahalla va oilani qo‘llab-quvvatlash boshqarmasi boshlig‘ining Xotin-qizlarning ijtimoiy-siyosiy faolligini oshirish bo‘yicha birinchi o‘rinbosari lavozimida ishlab kelayotgan edi.
Avvalroq shu vaqtgacha Qarshi tumaniga hokimlik qilib kelgan G‘ayrat Begaliyev Qashqadaryoning Mirishkor tumaniga hokim etib tayinlangani haqida xabar berilgan edi (Mirishkorning avvalgi — so‘kong‘ich hokimi ishdan olingan).
Maqsuda Mustafoyeva so‘nggi ikki hafta ichida O‘zbekistondagi tumanlarga rahbar etib tayinlangan to‘rtinchi ayol bo‘ldi. Avvalroq Sirdaryoning Boyovut tumaniga viloyat xotin-qizlar qo‘mitasi raisi, senator Dilfuza O‘rolova, Buxoroning Olot tumaniga tuman xotin-qizlar qo‘mitasi raisi Nargiza Ne’matova, Andijonning Bo‘ston tumaniga esa uzoq yillar Jalaquduq tumaniga hokimlik qilgan Manzura Egamovaning shogirdi Sadbarxon Mamitova hokim etib tayinlangan edi.
Mavzuga doir:
- Shavkat Mirziyoyev Toshkent shahri tumanlaridan biriga ayol hokim tayinlashni taklif qildi
- Boyovut tumaniga ayol kishi hokim etib tayinlandi
- Nargiza Ne’matova Olot tumaniga hokim bo‘ldi. U so‘nggi 10 kunda hokim etib tayinlangan ikkinchi ayol bo‘ldi
- Andijonning Bo‘ston tumaniga Sadbarxon Mamitova hokim bo‘ldi. U Jalaquduqqa 12 yil hokimlik qilgan ayolning shogirdi hisoblanadi
Izoh (0)