Andijondagi gaz “zapravka”da Nexia portladi (video)

Andijondagi gaz “zapravka”da 25-fevral soat 10:10 larda Nexia portladi, deb xabar bermoqda IIV huzuridagi Tergov departamenti matbuot xizmati.

Ma’lum bo‘lishicha, Xo‘jaobod tumani “Xidirsha” mahallasi “Xolis Tafakkur” MChJga qarashli avtomobillarga suyultirilgan metan gaz quyish shoxobchasida 32 yoshli Sh.O. Nexia’siga gaz quyayotganida portlagan.

Shoxobcha hududida gaz quyayotgan yana 6 ta avtomashinaga turli darajada texnik shikast yetkazilgan. Jiddiy jarohat olganlar yo‘q.

Qayd etilishicha, hozirda hodisa joyida tezkor tergov guruhi portlashning kelib chiqish sabablarini o‘rganmoqda.

Avvalroq Gulistondagi gaz quyish shoxobchasida avtobus gaz balloni portlagani xabar berilgan edi.