Ijtimoiy tarmoqlarda qo‘lida bolta ko‘targan ayol uyini buzilishlardan himoya qilayotgani aks etgan video tarqaldi. Ayolning so‘zlariga ko‘ra, uning uyi ikkinchi marta “snos”ga tushgan, deb xabar beradi “Sof.uz”.
Ta’kidlanishicha, voqea Surxondaryo viloyati Sariosiyo tumani “Gulobod” mahallasida sodir bo‘lgan.
Egniga Prezident Shavkat Mirziyoyevning portretini osib olgan ayolning qo‘lida boltasi ham bor.
“Ikkita bolam bilan ko‘chaga qolib ketdim, meni tepib haydab chiqarishdi. Men joyimni endi bermayman. Boltalayman, benzin quyib yuboraman. Qo‘rqadigan joyim yo‘q. Mehnat qilganman. Sizlar kelib ogohlantirishlaring kerak edi. Kelishuv bitimi qilib, bu yerdan yangi uy qurib berganlaringda chiqib ketar edim”, — deydi ayol.
“U issiq uyida bola-chaqasi bilan o‘tiribdi, nima uchun men uyimni tashlab chiqishim kerak”, — deydi ayol hokim haqida.
Voqea ishtirokchilaridan biri ayolga tuman hokimligiga borib murojaat qilishni maslahat beradi.
“Menga hokimlaring haqida gapirmang. Avvalgi uyimni sotib yubordi. U issiq uyida bola-chaqasi bilan o‘tiribdi, nima uchun men uyimni tashlab chiqishim kerak? Men bu uyni tekinga olmaganman, auksionda sotib olganman”, — deb gapini davom ettiradi ayol.
Mavzuga doir:
“…Mana tuman prokurorining muovini kechirim so‘rayapti va aytyaptiki, bu ishlar hokimning buyrug‘i bilan amalga oshyapti. Mana Shavkat Miromonovich. Prezidentdan boshqa hech kimga ishonmayman”, — deydi ayol.
Izoh (0)