Istanbuldagi Sabiha Go‘kchen nomidagi aeroportda Pegasus aviakompaniyasiga tegishli samolyot qo‘nishni amalga oshirish vaqtida falokatga uchragani haqida xabar berilgandi. “RBK” nashri falokatga uchragan samolyotning suratlarini to‘plab taqdim etdi.
Ma’lumotlarga ko‘ra, samolyot bortida 183 kishi bo‘lgan. Falokat oqibatida samolyot bo‘laklarga ajralib ketgan bo‘lib, uch kishi halok bo‘lgani aytilmoqda.
Pegasus Airlines aviakompaniyasiga tegishli samolyot Istanbulga Izmir shahridan uchib kelayotgan bo‘lgan.
Uchuvchilarning dispetcher bilan muloqotiga ko‘ra, samolyot kuchli shamol vaqtida qo‘nishga uringan.
Ichida 177 nafar yo‘lovchi va 6 nafar ekipaj a’zosi bo‘lgan havo kemasi qo‘nish yo‘lagidan chiqib ketib, to‘siqlarni bosib o‘tib, chuqurlikka qulagan.
Falokat oqibatida yong‘in yuzaga kelgan, biroq u tezda o‘chirilgan.
Havo kemasi bir necha bo‘lakka bo‘linib ketgan.
Ayrim yo‘lovchilar samolyotni mustaqil ravishda tark etishga muvaffaq bo‘lgan.
Samolyot falokatiga rasman nima sabab bo‘lgani hozircha noma’lum, biroq taxminlarga ko‘ra, noqulay ob-havo sharoit sabab bo‘lgan bo‘lishi mumkin.
Kamida 52 kishiga jarohat yetgan va ular shifoxonaga joylashtirilgan.
Izoh (0)