Yashil qit’a qayta tiklanib, “tirilmoqda” — yongan daraxtlar yana barg yozmoqda, bu yashash uchun kurashda g‘alabaga erishgan g‘oliblarning tantanasi. Hayot go‘zalligining vayronkorlik ustidan g‘alabasini namoyish qiluvchi suratlarni e’tiboringizga havola qilamiz.
Avstraliya aholisi yongan yaydoq yerda daraxtlar va o‘tloqlarda maysa-yu kurtaklar chiqa boshlagani haqidagi suratlarni bir-birlariga yuborishni boshlagan.
Ona tabiatning irodasiga qoyil qolish kerak. U barcha qiyinchiliklarga qaramay yana oyoqqa turmoqda”, — deya suratlar ostiga izoh qoldirgan internetdagi foydalanuvchilar.
O‘rmon yong‘inlari Avstraliyani avgust oyida qoplab olgan va Yangi yil arafasida avjiga chiqqandi.
Ular tarixdagi eng ko‘p talafot keltirgan yong‘inlardan biriga aylandi.
Olov 20 million gektarga yaqin maydonni vayron qildi.
O‘rmon yong‘inlari oqibatida 25 nafar odam va milliarddan ko‘p jonivorlar halok bo‘ldi.
Ekspertlar hisob-kitobiga ko‘ra, qit’aning o‘rmon yong‘inlaridan avvalgi holatini tiklashiga 100 yil vaqt talab qilinadi.
Yanvar o‘rtalarida yong‘inlar ortidan mamlakatda kuchli yomg‘ir va suv toshqinlari kuzatilgan.
Izoh (0)