Qashqadaryoda 50 ta yangi bog‘cha paydo bo‘ldi

15-yanvar, chorshanba kuni Qashqadaryo viloyati maktabgacha ta’lim boshqarmasi tomonidan 50 ta yangi maktabgacha ta’lim tashkilotining tantanali ochilishi bo‘lib o‘tdi.

Maktabgacha ta’lim vaziriligi matbuot xizmatining xabariga ko‘ra, ulardan 16 tasi davlat, 34 tasi nodavlat maktabgacha ta’lim tashkilotidir. Ushbu MTTlar ochilishi bilan 3—7 yoshdagi 2 905 nafar bola maktabgacha ta’lim bilan qamrab olinadi, shuningdek, 170 nafar fuqaro doimiy ish o‘rniga ega bo‘ladi.

Shuningdek, 2020-yilda viloyatda 455 ta MTT ishga tushirilishi rejalashtirilgan. Ularning ishga tushishi hozirgi 110 ming 532 nafar qamrovni 138 ming 759 taga, ya’ni 38,7 foizdan 47,6 foizga oshiradi.

Ushbu MTTlarda 1 100 ta bo‘sh ish o‘rinlari yaratiladi.