Prezidentning 2019-yil 31-dekabrdagi tegishli qaroriga muvofiq joriy yil 1-fevraldan boshlab budjet muassasalari va tashkilotlari xodimlarining ish haqi, pensiyalar, stipendiyalar, nafaqalar hamda kam ta’minlangan oilalarga beriladigan moddiy yordam miqdori 7 foizga oshirildi. Bu haqda Oliy va o‘rta maxsus ta’lim vazirligi eslatmoqda.
Oliy ta’lim muassasalarida o‘qitish xarajatlarining asosiy qismi — 91 foizini ish haqi va stipendiya to‘lovlari tashkil etishi inobatga olinib, 2019—2020-o‘quv yilidan to‘lov-kontrakt asosida o‘qitish qiymati respublikadagi mehnatga haq to‘lashning eng kam miqdoriga bog‘landi va unga nisbatan karra barobarida belgilandi.
Kontrakt asosida o‘qitishning to‘lov miqdori (oshirilgan to‘lov-kontrakt miqdori bundan mustasno) mehnatga haq to‘lashning eng kam miqdoriga mutanosib ravishda joriy o‘quv yilining ikkinchi yarmi uchun o‘zgarishi mumkin.
“Shu munosabat bilan, 2019—2020-o‘quv yilining ikkinchi yarim yili uchun oliy ta’lim muassasalarida to‘lov-kontrakt asosida o‘qitish qiymatlariga o‘zgartirish kiritilganda qo‘shimcha ma’lumot beriladi”, deyiladi vazirlik xabarida.
Izoh (0)