“Mavsum xitlari—2019”da yilning eng yaxshi 16 ta klipi aniqlandi va taqdirlandi (video)
“Xalqlar do‘stligi” san’at saroyida “Mavsum xitlari—2019” taqdirlash marosimi bo‘lib o‘tdi. Taqdirlash marosimida jurnalist Feruz Muhammad ishtirok etdi va reportaj tayyorladi.
“Mavsum xitlari—2019” taqdirlash marosimida quyidagi videokliplar yilning eng yaxshilari deb topildi.
Xonanda Dildora Niyozova “Xato” videoklipi uchun taqdirlandi. Mukofotni O‘zbekistonda xizmat ko‘rsatgan madaniyat xodimi Bobur Bobomurod topshirdi. Ushbu videoklip YouTube tarmog‘ida 7 000 000 ga yaqin tomosha qilingan.
“Bojalar” va Via Marokand guruhi “Tanimadingmi?” videoklipi uchun taqdirlandi. Ushbu videoklip YouTube tarmog‘ida 8 300 000 ga yaqin tomosha qilingan.
Xonanda Shohruxxon “Yurak” taronasiga ishlangan videoklip uchun taqdirlandi. Ushbu videoklip YouTube tarmog‘ida 6 700 000 ga yaqin tomosha qilingan.
Xonanda Shahzodaning “Sog‘inib” videoklipi “Mavsum xitlari” mukofotiga munosib ko‘rildi. Ushbu videoklip YouTube tarmog‘ida 7 000 000 dan ortiq tomosha qilingan.
Xonanda Jasurbek Mavlonov “Mayin-mayin” taronasi uchun ishlangan videoklipi uchun taqdirlandi. Ushbu videoklip YouTube tarmog‘ida 8 000 000 dan ortiq tomosha qilingan.
O‘zbekistonda xizmat ko‘rsatgan artist Ulug‘bek Rahmatullayev “Bilmadi” taronasi uchun taqdirlandi. Ushbu videoklip YouTube tarmog‘ida 3 000 000 ga yaqin tomosha qilingan.
O‘zbekistonda xizmat ko‘rsatgan artist Mavluda Asalxo‘jayeva “Unutding…” taronasi uchun “Mavsum xitlari”da taqdirlandi. Ushbu videoklip ham YouTube tarmog‘ida 3 000 000 ga yaqin tomosha qilingan.
Xonanda Bahrom Nazarov “Insofsiz” taronasi uchun taqdirlandi. Ushbu videoklip YouTube tarmog‘ida 2 000 000 ga yaqin tomosha qilingan.
O‘zbekistonda xizmat ko‘rsatgan artist Rayhon G‘aniyeva “Ayt nega” videoklipi uchun taqdirlandi. Ushbu videoklip ham YouTube tarmog‘ida 20 000 000 dan ortiq tomosha qilingan.
Xonanda Munisa Rizayeva “Bir nima de” videoklipi uchun taqdirlandi. Ushbu videoklip esa YouTube ijtimoiy tarmog‘ida 325 000 dan ortiq tomosha qilingan. Taqdirlash marosimida ijtimoiy tarmoqlarda tomosha qilinishi jihatidan eng kam tomosha qilingan videoklip Munisa Rizayevaga tegishli edi.
Xonanda Jahongir Otajonov “Qaddi baland” videoklipi uchun taqdirlandi. Ushbu videoklip YouTube tarmog‘ida 22 000 000 dan ortiq ko‘rilgan.
O‘zbekistonda xizmat ko‘rsatgan artist Ziyoda Qobilova “Tamara” videoklipi uchun taqdirlandi. Ushbu videoklip YouTube tarmog‘ida 6 000 000 ga yaqin ko‘rilgan.
Xonanda Sardor Tairov o‘zining “Sevmasam” taronasi uchun taqdirlandi. Ushbu videoklip YouTube tarmog‘ida 6 000 000 dan ortiq ko‘rilgan.
Xonanda Imron “Yomon qiz” qo‘shig‘i uchun “Mavsum xitlari” mukofotiga munosib ko‘rildi. Ushbu taronaga ikkita videoklip suratga olingan bo‘lib, bittasi YouTube tarmog‘ida 9 000 000 ga yaqin, bittasi esa 6 000 000 dan ortiq tomosha qilingan. Videoklip umumiy hisobda 15 000 000 dan ortiq tomosha qilingan.
O‘zbekistonda xizmat ko‘rsatgan artist Alisher Fayz “Yarashibdi” videoklipi uchun taqdirlanishi rejalashtirilgan ekan, ammo xonanda taqdirlash marosimida ko‘rinmadi. Mazkur videoklip 495 000 dan ortiq tomosha qilingan.
Xonanda Ozoda Nursaidova “Ajdodlar” videoklipi uchun taqdirlandi. Mazkur tarixiy videoklip YouTube ijtimoiy tarmog‘ida 685 000 dan ortiq tomosha qilingan.
