Bosh prokuratura huzuridagi departamentning Parkent tuman bo‘limi tomonidan olingan tezkor ma’lumotlarga asosan DXX va IIB xodimlari bilan hamkorlikda tezkor tadbir o‘tkazildi. Bu haqda Bosh prokuratura matbuot xizmati “Daryo”ga xabar berdi.
Fuqarolar N.N. va P.Y. oldindan til biriktirib, vaqtincha yashab kelayotgan Parkent tumani Hisorak qishlog‘idagi xonadonida rangli printer yordamida 50 000 va 100 000 so‘mlik qalbaki kupyuralarni tayyorlab kelayotganligi aniqlangan.
Tadbir yakunida ushbu xonadondan 116 dona 50 000 va 34 dona 100 000 so‘mlik qalbaki kupyuralar, 94 dona 50 000 va 100 000 so‘mlik kupyuralarning tasviri tushirilgan A-4 hajmli qog‘ozlar hamda ularni ishlab chiqarishda foydalanilgan Epson rusumli rangli printer, bo‘yoqlar va boshqa mahsulotlar ashyoviy dalil sifatida olingan.
Mazkur holat yuzasidan N.N. va P.Y.ga nisbatan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)