Iroq xavfsizlik tuzilmalari xodimlari Bag‘doddan shimolda joylashga ikki joyda IShIDning mahalliy rahnamolarini yo‘q qildi. Bu haqda Iroq IIV xabariga asoslanib “TASS” xabar berdi.
Foto: BaghdadtodayVazirlik bayonotiga ko‘ra, jangarilarga qarshi operatsiyada IIVning razvedka va tergov bo‘yicha federal agentligi kuchlari ishtirok etgan. Qidiruvdagi terrorchilar Kirkuk viloyatining Ar-Riyod tumanidan topilgan va u yerda yo‘q qilingan.
Shuningdek, mamlakat g‘arbida joylashgan Anbar viloyatida harbiy razvedka masjidlardan birida amalga oshirilishi rejalashtirilgan teraktni bartaraf qilgan. Hit shahridagi masjidda Juma namozi o‘qilayotgan vaqtda xudkushlardan biri o‘zini-o‘zi portlatishga uringan. Maxsus xizmat xodimlari bomba va granatani xavfsizlantirishga muvaffaq bo‘lgan.
IShID jangarilari 2014-yil yozida Iroqning uchdan bir qismini egallab olgandi. Shu yili iyun oyida ular mamlakatdagi ikkinchi eng katta shahar Mosulni bosib olib u yerni yangi halifalik poytaxti deb e’lon qilgan. 2015-yilda Iroq hukumati kuchlari xalqaro koalitsiya hamkorligida ektremistlar egallab olgan hududlarni terrorchilardan tozalash bo‘yicha katta operatsiyalar o‘tkazishni boshladi. 2017-yil dekabrida o‘sha vaqtda Iroq bosh vaziri bo‘lgan Haydar al-Obodiy mamlakatda IShIDning butunlay tor-mor qilinganini e’lon qilgan.
Iroq kuchishlatar tizimlari mamlakat hududida yashirincha faoliyat yuritayotgan, huquq-tartibot organlari xodimlari, harbiylar va fuqarolari hayotiga tahdid qilayotgan terrorchilarni yo‘q qilish bo‘yicha operatsiyalarni amalga oshirib keladi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)