Boliviya sobiq prezidenti Evo Morales AQSh uni aldov yo‘li bilan Guantanamo qamoqxonasiga yubormoqchi bo‘lganini da’vo qildi. Bu haqda u Reuters agentligiga bergan intervyusida ma’lum qildi, deya xabar beradi “RBK”.
“Qo‘shma Shtatlar rasmiylari Boliviya tashqi ishlar vaziriga qayerga borishni istasak, o‘sha yerga eltib qo‘yish uchun samolyot jo‘natish taklifi bilan qo‘ng‘iroq qilgan. Men bu Guantanamo bo‘lishiga ishonchim komil edi”, — ta’kidlagan Morales.
Ma’lumot uchun, Morales siyosiy boshpana berish haqidagi Meksikaning taklifini qabul qildi va 12-noyabr kuni samolyotda ushbu mamlakatga yetib bordi.
Izoh (0)