Qashqadaryo viloyatining Kitob tumanidagi “Kitob davlat geologik qo‘riqxonasi”ni “Kitob milliy geologiya bog‘i”ga aylantirish rejalashtirilmoqda. Bu haqdagi Vazirlar Mahkamasi qarorining loyihasi Qonun hujjatlari muhokamasi portaliga joylashtirildi.
Qo‘riqxonani milliy geologiya bog‘iga aylantirishdan quyidagi maqsadlar ko‘zlanmoqda:
- Kitob Davlat geologik qo‘riqxonasida joylashgan xalqaro ahamiyatga ega “Zinzilban” geologik kesmasini, geologik merosini va bioxilma-xilligini saqlab qolish va muhofaza qilish;
- alohida ekologik, madaniy va estetik qimmatga ega bo‘lgan tabiy obyektlar va majmualarni, ilmiy va madaniy meroslarini saqlab qolish;
- hudud jozibadorligi tufayli mahalliy va xorijiy sayyohlarni ushbu geologik meros, uning bioxilma-xilliklari bilan tanishishiga imkon yaratish;
- hududning geoturizm salohiyatini yanada rivojlantirish.
Qaror loyihasining muhokamasi 29-noyabrgacha davom etadi.
Izoh (0)