Gongkongda davom etayotgan norozilik namoyishlari sababli xavfsizlikni ta’minlash maqsadida 14-noyabr kuni mahalliy maorif byurosi qaroriga ko‘ra bog‘cha va maktablar yopiladi. Bu haqda “Interfaks” xabar berdi.
Chorshanbada maktablar ishlagan. Xitoy universitetidan 80 ga yaqin qit’ada joylashgan hududdan kelgan talabalar evakuatsiya qilindi. Oliygoh joylashgan yerda norozilik bildirayotgan fuqarolar chodirlar tikib lager tuzgan, ushbu maskanga ularni qo‘llab-quvvatlayotgan xalq vakillari yeguliklar olib kelmoqda. Namoyishchilar universitetdagi oshxonalardan birini lagerdagilarga ovqat tayyorlash uchun egallab olgan.
Chorshanba tongida lagerdagi ikki nafar faolni noqonuniy ravishda yig‘ilishlar o‘tkazib, namoyish tashkil etgani uchun hibsga olingan.
Gongkongda transport faoliyati buzilgani oqibatida banklarning 250 ta bo‘linmasi ham faoliyatini vaqtincha to‘xtatdi. Xususan, HSBC, Standard Chartered Bank va Bank of China (Hong Kong) banklarining filiallari yopildi.
Police clearing items off Des Voeux Road Central outside Alexandra House in Central
— SCMP Hong Kong (@SCMPHongKong) November 13, 2019
Video: SCMP/Stanley Shin pic.twitter.com/FdNd7HfDB7
Namoyish o‘tkazayotganlar politsiya harakatini sekinlashtirish uchun yo‘llarga uzun bambuk poyalari bilan to‘siqlar qo‘ymoqda. Bambuk xodalari ikki g‘isht ustiga ko‘ndalang joylashtirilib, bir nech o‘n metr masofaga taxlab chiqilmoqda. Qo‘zg‘alonchilar dushanbadan beri yangi usul qo‘llamoqda: messenjerlar orqali kichik guruhlarga bo‘linib bloklanadigan joy va ko‘cha nomini aniqlashtirib, o‘sha yerda yo‘llarni yopmoqda.
Around 10 black-clad protesters are building layers of roadblocks using bricks, bamboo, and rope on Does Voeux Road in Central.
— SCMP Hong Kong (@SCMPHongKong) November 13, 2019
Video: SCMP/Karen Zhang pic.twitter.com/FuKudxqOOo
Universitetga yaqin temiryo‘l bekati vayron bo‘lgan, qo‘shni avtovokzal ham bo‘m-bo‘sh, kampus hududi chiqindiga aylangan soyabon bo‘laklari, bambuk yog‘ochlari va boshqa ahlat bilan qoplangan. Shaharda boshqa temiryo‘l bekatlari ham yopilgan, avtomobil trassalari va poyezd relslari ham bloklab tashlangan.
Oxirgi kunlarda Gongkongdagi vaziyat ancha keskinlashgan. Norozilik bildirayotganlar 160 dan ortiq svetoforlarni sindirgan, avtomobil yo‘llariga shikast yetkazgan. 11-noyabr kuni politsiya namoyishchilarga nisbatan o‘qotar quroldan foydalandi, seshanbada suv sepuvchi moslama yordamida ularni tarqatishga urindi. 13-noyabrda Pekin hukumati Gongkongda tartib o‘rnatish uchun politsiyaga keskin choralar qo‘llash yuzasidan ko‘rsatma berdi.
Izoh (0)