“Farg‘ona viloyatiga – kitob karvoni” yozuvli avtomashinaning yukxonasiga kartoshka ortilgani aks etgan ijtimoiy tarmoqlarda tarqalgan fotosurat yuzasidan Farg‘ona viloyati axborot va ommaviy kommunikatsiyalar boshqarmasi oydinlik kiritdi.
Boshqarma xabarida aytilishicha, holat boshqarmasi mas’ullari ishtirokida o‘rganildi. Ular yuk avtomashinasi egasini topib, o‘zidan xolis munosabat so‘ragan.
Uning aytishicha, “kitoblar yilning may oyi oxirida shu mashinada olib kelingan, lekin surat noyabr oyi boshlarida olingan bo‘lishi kerak”. “Nega besh oycha vaqt mashina bortida yozuv qoldirilgan?” degan savolga avtomashinasi egasi quyidagicha izoh bergan:
“Iyun—oktabr oylarida mashinamiz buzilganicha noyabrda tuzaldi. Ehtiyot qismlarni to‘plash cho‘zilib ketdi. Katta ro‘zg‘orimizni tebratib turgan mashina tuzalgach, ishga chiqish oldidan Farg‘ona shahar markaziga yaqin joydagi yuk mashinalarini yuvish va tozalash joyiga olib bordim. O‘sha joyga yaqin hududda bir hamkasb tanishimni uchratdim va mendan yordam so‘radi. Yuki bilan mashinasi buzilgan ekan. Uning iltimosiga ko‘ra, qoplangan kartoshkalarni vaqtinchalikka mening mashinamga yuklab turdik. Buni haydovchilar tilida “perekid” deyishadi. 1—2 soatga, xolos. Shu kuniyoq tanishim mashinasini ta’mirlab qaytdi, yana kartoshkalar o‘z joyiga qayta yuklandi. Bu orada mashinam avtoturargohdan hech qayoqqa chiqmagan. Qolaversa, u joy bozor hududi ham emas”.
Uning aytishicha, o‘sha kunning o‘zida ta’mirdan chiqqan mashinasini yaxshilab tozalatib, yozuvlarni ham olib tashlagan.
Izoh (0)