Olmaliq kon-metallurgiya kombinati aksiyadorlik jamiyati tashkil etilganining 70 yilligi munosabati bilan Olmaliq shahridagi “Delfin” akva parkida kombinat tomonidan tayyorlangan ishlab chiqarish jarayonini aks ettiruvchi eksponatlar, modellar va maketlar ko‘rgazmasi namoyish etildi, deb xabar beradi O‘zA.
Ko‘rgazma doirasida mazkur xiyobonda kombinatning 70 yilligi uchun maxsus tayyorlangan doshqozonda O‘zbekiston oshpazlar uyushmasining mohir oshpazlari tomonidan 5 tonnalik osh damlandi. Milliy taom — osh kombinat mehnat ahli, Olmaliq shahri aholisi, tadbir mehmonlari hamda bolalar uylariga tarqatildi.
O‘ziga xos oshpazlik shousi kombinat sport majmuasida o‘zbek estradasi yulduzlari ishtirokidagi katta bayram konserti dasturiga ulanib ketdi.
Avvalroq, O‘zbekiston Prezidenti Shavkat Mirziyoyev ham Olmaliq kon-metallurgiya kombinati tashkil topganining 70 yillik sanasi munosabati bilan kombinat ishchilariga tabrik yo‘llagan edi.
Mavzuga doir: Shavkat Mirziyoyev Olmaliq kon-metallurgiya kombinati jamoasini yubiley bilan tabrikladi
Izoh (0)