Bugun, 21-oktabrda kun davomida O‘zbekiston hududidan nisbatan sovuq havo oqimi o‘tadi. Kunduzi harorat bir oz pasayadi, 18—23 darajani tashkil qiladi, deb xabar bermoqda O‘zbekiston gidrometeorologiya markazi.
Bir necha kun davomida antisiklon ta’siri sezilib turadi. Respublika bo‘yicha ob-havo kam bulutli bo‘lib, past harorat foni kuzatiladi, kechasi 3—8 daraja, kunduzi 18—23 daraja iliq bo‘ladi. Bu ko‘rsatkich shu davr uchun xos bo‘lgan iqlimiy me’yor hisoblanadi.
Ish haftasining oxiriga kelib antisiklon sharqqa tomon siljiydi va bosim pasayadi, bu haroratning 2—3 daraja ko‘tarilishiga olib keladi.
Izoh (0)