Kanadalik fotograf Kristofer Xervig sobiq Sovet ittifoqi mamlakatlarini kezib chiqdi va ulardagi metrolarning bekatlarini suratga oldi. Fotografning albomidan Toshkent metropolitenining “O‘zbekiston” yo‘lidagi “Kosmonavtlar” bekati ham joy oldi.
“Kosmonavtlar” bekati 1984-yilda ishga tushirilgan. Bekat Valentina Tereshkova, Yuriy Gagarin va boshqa kosmonavtlarning tasvirlari tushirilgan keramik medalyonlar bilan bezatilgan. Bezakchilarning g‘oyasiga ko‘ra, bekatning shifti Somon yo‘lini eslatishi kerak.
Kristofer Xervig sobiq Sovet ittifoqi mamlakatlari transport arxitekturasi muxlisi hisoblanadi. U 2015-yilda “Sovet avtobus bekatlari” nomli albomni taqdim etgan, 2017-yilda esa albomning ikkinchi tomini chop ettirgan. Endi esa uning e’tiborini metro tortdi.
“Sovet metro bekatlari” nomi ostida chiqarilgan albom muallifning dastxati bilan 25 funtdan sotuvga chiqarilgan.
Shuningdek, albomdan boshqa bir qator Sobiq ittifoq mamlakatlaridagi metro bekatlari ham o‘rin olgan.
Rossiyaning Samara shahridagi “Gagarin” bekati
Belarus poytaxti Minsk shahridagi “Chelyuskinsev xiyoboni” bekati
Rossiyaning Sankt-Peterburg shahridagi “Avtovo” bekati
Ukrainaning Xarkov shahridagi “Kiyev” bekati
Rossiyaning Nijegorod shahridagi “Chkalov” bekati
Izoh (0)