Microsoft eronlik xakerlarni AQSh prezidentligiga nomzod akkauntiga hujumda aybladi. Bu haqda Microsoft vakillari ma’lum qildi, deya xabar beradi “RIA Novosti”.
“Yaqinda kiberhududda biz Phosphorous deb ataydigan va tahdid tug‘dirayotgan guruhning faoliyatini payqab qoldik. Biz bu guruh Erondan kelib chiqqan va ushbu mamlakat hukumati bilan bog‘liq deb hisoblaymiz”, — deyiladi Microsoft xabarida.
Avgust—sentabr oylarida, 30 kun davomida guruh Microsoft mijozlari hisob yozuvlarini topishga 2,7 ming marotaba harakat qilgan va 241 ta akkauntga hujum qilishga uringan.
“Xakerlar uchun nishon bo‘lgan akkauntlar AQSh prezidentligiga saylov shtablaridan biri, Qo‘shma Shtatlar hukumati hozirgi va sobiq amaldorlari, global siyosatni yoritib kelgan jurnalistlar, shuningdek, Erondan tashqarida istiqomat qiladigan taniqli eronliklar bilan bog‘liq bo‘lgan”,— deyiladi xabarda.
Bu harakatlar natijasida 4 ta akkaunt buzilgan. Ular AQSh prezidentligiga nomzod shtabi yoki Qo‘shma Shtatlar mansabdorlari bilan aloqador emas.
Izoh (0)