17-sentabr, seshanba kuni soat 00:52 da Toshkent shahar Bektemir tumani “Mirishkor” MFY Ohangaron shoh ko‘chasi 2-uyda joylashgan Vedanta MChJga qarashli chiqindilarni yig‘ish bostirmasida yong‘in sodir bo‘layotganligi haqida yong‘in-qutqaruv xizmatiga xabar kelib tushgan, deb xabar beradi FVV YoXBB OAV bilan hamkorlik qilish bo‘linmasi.
Xabar asosida yong‘in joyiga zudlikda 8 ta yong‘in o‘chirish bo‘linmasi jalb etilgan. Ko‘rilgan tezkor harakatlar natijasida yong‘in bartaraf etilgan. Yong‘indan binoning 1000 kvadrat metr maydoni saqlab qolingan. Tan jarohati olganlar va halok bo‘lganlar yo‘q. Yong‘in oqibatida chiqindilarni yig‘ish ombori bostirmasi va chiqindilar to‘plami 200 kvadrat metr maydonda yongan.
Yong‘inning sababi va moddiy zarar miqdori aniqlanmoqda.
Izoh (0)