Islom inqilobi soqchilari korpusi Ho‘rmuz bo‘g‘ozida Birlashgan Arab Amirliklari (BAA) bayrog‘i ostida suzib borayotgan kemani egalladi, deya xabar bermoqda Fars agentligi.
Kema ekipajining 11 nafar a’zosi qo‘lga olingan, ular yonilg‘i kontrabandasida ayblanmoqda.
Eron yoz boshidan beri Fors ko‘rfazi mintaqasida bir necha bor tankerlarni ushlab qoldi, bu esa uning AQSh bilan munosabatlari keskin sovuqlashishiga olib keldi.
Yamanlik isyonchi xusiylarning tomonidan 14-sentabr kuni dronlar vositasida amalga oshirilgan hujum oqibatida Saudiya Arabistonining Saudi Aramco davlat kompaniyasining neft qazib oluvchi obyektlariga zarar yetgan edi.
AQSh ushbu hujumlarda xusiylarni qo‘llab-quvvatlayotgan Eronni ayblab chiqdi, rasmiy Tehron esa Saudiyadagi hodisaga o‘zining aloqadorligini rad etmoqda.
Izoh (0)