13-sentabrdan Toshkentda birinchi elektrobus harakatlanishni boshladi. Bu haqda shahar hokimligi matbuot xizmati ma’lum qildi.
Ayni paytda mazkur avtobus 41-yo‘nalishda, “Chilonzor-25 mavze—Chilonzor buyum bozori” oralig‘ida qatnamoqda. Mazkur yo‘nalish masofasi 25 kilometr bo‘lib, elektrobusning quvvati aynan shu masofaga yetadi.
Belarusda ishlab chiqarilgan ushbu transport vositasi 450 ming dollarga xarid qilingan. Uning quvvat stansiyasi 150 ming dollar baholandi.
Mutasaddilar kelgusida bunday elektrobuslar Toshkentga yana keltirilishi rejalashtirilganini bildirmoqda.
Izoh (0)