6—7-sentabr kunlari Toshkent shahrida “Dermotovenerologiya va estetik tibbiyotning dolzarb muammolari” nomli xalqaro ilmiy amaliy anjuman bo‘lib o‘tadi. Xalqaro anjumanda jahonga mashhur professorlar, yetakchi mutaxassislar ishtirok etib, sohadagi so‘nggi yangiliklar, yutuq va kamchiliklarni muhokama qiladi.
Har yili O‘zbekiston Respublikasi Sog‘liqni saqlash vazirligi nomidan o‘tkazilayotgan “Dermotovenerologiya va estetik tibbiyotning dolzarb muammolari” xalqaro ilmiy amaliy anjumani delegatlari va mehmonlari bugun International Hotel Tashkent mehmonxonasida o‘z ishini boshladi.
Xalqaro anjumanda ishtirok etish uchun jahonning turli mintaqalaridan professional, yetakchi va eng kuchli mutaxassislar tashrif buyurdi. Xalqaro anjumanda jahonning eng yetakchi professor olimlaridan: Sobirov U.Yu. (Toshkent, O‘zbekiston), Diyehl Christian Guy (Fransiya), Lukyanov A.M. (Minsk, Belarus), George Reizner (Madison, AQSh), Victor-Gabriyel Clátici (Buxarest, Ruminiya) va boshqalar ishtirok etmoqda.
Bugun anjuman doirasida:
- “Dermatozlarni patogenezi, diagnostikasi va davolashning zamonaviy yo‘nalishlari”;
- “Kosmetologiya: dolzarb vazifalarning amaliy yechimlari”;
- “JYOYuI va urogenital infeksiyalarni diagnostikasi va davolashdagi yangi yutuqlar”;
- “Bugungi kunda lazerli texnologiyalar” kabi mavzularda ma’ruzalar bo‘lib o‘tdi.
7- sentabr, shanba kuni bo‘lib o‘tadigan anjumanda esa:- “Dermotovenerologiyaning zamonaviy aspektlari”
- “Dermatozlarni diagnostikasi, davolash va oldini olishning ustuvor yo‘nalishlari”;
- “Bolalar dermatovenerologiyasi: eski muammolarga yangicha nuqtai nazar” kabi mavzulardagi ma’ruza va mahorat darslaridir.
- “Estetik tibbiyotda yangi texnologiyalar” mavzularida ma’ruzalar bo‘lib o‘tadi.
“Anjuman ish jarayonida dermotovenerologiya va tibbiy kosmetologiya sohasining zamonaviy jihatlarini muhokama qilish uchun O‘zbekiston, AQSh, Italiya, Qozog‘iston, Rossiya va boshqa davlat mutaxassislari bu yil yana Toshkentda yig‘ilishdi. O‘tkazilayotgan anjuman tibbiyot mutaxassislari orasida keng shuhrat qozonmoqda. Anjumanning asosiy maqsadi shifokorlarning malaksini oshirish, ilg‘or tajribalar almashish , kasalliklarni davolashda bir xil zamonaviy yondashishlarni ishlab chiqishdir.
Ishonamanki, bu maydonchada tashkil qilingan munozaralar siz qatnashchilarga tezda amaliy natijalarni beradi, bu aholining salomatligiga ijobiy ta’sir ko‘rsatadi”, — deydi O‘zbekiston Respublikasi Sog‘liqni saqlash vaziri birinchi o‘rinbosari Yusupov Bahodir.
Dermatovenerologiya sohasi bo‘yicha Respublika ixtisoslashtirilgan Dermatovenerologiya va kosmetologiya ilmiy-amaliy tibbiyot markazida ham bir qator amaliy ishlar bajarilmoqda.
Markaz Rossiya Federatsiyasi, Qozog‘iston respublikasi, Tojikiston respublikasi, Ukraina va Ozarbayjonning instituti va markazlari bilan hamkorlik memorandumi imzolangan.
Bu esa markazning keng imkoniyatlarini yana bir bor ko‘rsatadi. Markazda xalqaro hamkorlikda yetakchi ilmiy professional assotsiatsiyalardan Rossiya, AQSh, Belarus, Qozog‘iston, Ozarbayjon markazlari va xalqaro tashkilotlar INTERNATIONAL SOCIYeTY OF DERMATOLOGY, VOZ, USAID, UNDP bilan birga ilmiy loyihalarda amalga oshirilmoqda.
O‘tkazilayotgan bunday xalqaro konferensiyalar ushbu soha mutaxassislari uchun chinakam tajriba almashish maydoni bo‘lib, soha rivojiga hissa qo‘shadi.
Ma’lumot uchun:
Manzil: Toshkent shahri, Olmazor tumani, Farobiy ko‘chasi, Toshkent 100102.
Telefonlar:
+99893 0010085,
+99890 9352025,
+99894 6374043.
FacebookInstagramSayt: “dermotology.uz”
Reklama huquqi asosida.
Izoh (0)