O‘zbekistonda dollarning rasmiy kursi yana ko‘tarildi

Markaziy bank 5-sentabrdan xorijiy valyutalarning so‘mga nisbatan yangi qiymatini belgiladi.

Unga ko‘ra, 1 AQSh dollari 9384,57 so‘mga teng bo‘lib, o‘tgan haftadagiga nisbatan 10,64 so‘mga qimmatladi. 1 yevro kursi esa 149,56 so‘mga arzonlab, 10296,75 so‘mni tashkil etdi.

Bu O‘zbekistonda Markaziy bank tomonidan belgilangan rasmiy dollar kursining eng yuqori ko‘rsatkichi hisoblanadi. Ikki hafta avval o‘rnatilgan rekordga nisbatan dollar kursi 57 tiyinga qimmatladi.