Toshkentda I Xalqaro inflyuyenserlar kongressi (World Influencers Congress – WIC) o‘z ishini boshladi. Bu haqda Axborot va ommaviy kommunikatsiyalar agentligi direktor o‘rinbosari Saida Mirziyoyeva ma’lum qildi.
Bunday tadbir mamlakatda ilk bor o‘tkazilmoqda.
Tadbirga dunyoning 40 mamlakatidan auditoriyasi qariyb 1 milliard kishini qamrab olgan 100 nafardan ziyod inflyuyenser taklif etilgan. Trendlarni belgilab beruvchi bu mehmonlarni O‘zbekiston bo‘ylab maroqli sayohat kutmoqda.
“Bu O‘zbekistonning turizm sohasidagi ulkan salohiyatini namoyish etish maqsadida butun dunyodan blogerlar, media shaxslar, ijtimoiy tarmoqlar uchun kontent yaratuvchilarni jalb etishga qaratilgan noyob maydondir. Boshqacha qilib aytganda, kongress betakror tarixiy-madaniy meros xazinasi bo‘lgan yurtimizga yanada ko‘proq e’tibor qaratishga yordam beradi”, — deya ta’kidlagan Saida Mirziyoyeva.
⠀
Izoh (0)