DXX Qashqadaryo viloyati boshqarmasi xodimlari tomonidan yoqilg‘i-energetika ob’ektlari xavfsizligini ta’minlash borasida olib borilgan tadbirlar davomida Qarshi shahri, “Arabxona” mahalla fuqarolar yig‘inida yashovchi Baxtiyor Hamroyevning noqonuniy faoliyati to‘g‘risida ma’lumot olindi.
Viloyat Ichki ishlar boshqarmasi va ”O‘zneftgazinspeksiya” mutaxassislarini jalb etgan holda Baxiyor Xamroyevning uyi ko‘zdan kechirilganda “GAZ-53” rusumli yuk mashinasiga qo‘lbola tarzda o‘rnatilgan sisternada 8 tonna 779 litr neft hamda yelim idishlarda 2 tonna 448 litr gaz-kondensat, jami 11 tonna 227 litr neft va gaz-kondensat mahsulotlari borligi aniqlandi.
Shuningdek, Hamroyevning yashash manzilida yoqilg‘i mahsulotlari tashish uchun mo‘ljallangan “KamAZ” avtomashinasi ham borligi ma’lum bo‘ldi.
Hozirda mazkur holat yuzasidan Jinoyat kodeksining tegishli moddalariga asosan jinoyat ishi qo‘zg‘atilib, tergov harakatlari doirasida ushbu ishga aloqador bo‘lgan shaxslar hamda noqonuniy o‘zlashtirib olingan neft va gaz mahsulotlarining qayerdan olinganligini aniqlash bo‘yicha tegishli ishlar olib borilmoqda.
Izoh (0)