Rimning “Roma” klubi Madridning “Real”idan dominikanlik hujumchi Mariano Diasni olib kelishni istamoqda, deb yozadi Football Italia.
Rimliklar futbolchini keyinchalik sotib olish huquqi bilan ijaraga olishni “Real”ga taklif qiladi.
Ma’lumot uchun, Dias o‘tgan mavsum “Real” safida 22 ta o‘yin (asosan zaxiradan) o‘tkazib, 4 ta gol urdi. Ta’kidlash joiz, Mariano o‘tgan mavsum avvalida “Lion”dan qayta sotib olingandi.
Eslatib o‘tamiz, “Roma”ni tez orada Edin Jeko tark etishi kutilmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)