Almazbek Atambayevning qizi Aliya Shagiyeva otasi bilan sodir bo‘lgan voqealarga munosabat bildirdi, deb xabar beradi “KNews.kg”.
“Otamni go‘yo Qirg‘izistondan jinoyat olamining avtoriteti hisoblanmish Batukayevning chiqarib yuborilishiga bog‘liq ish bo‘yicha guvoh sifatida ko‘rsatma berishi uchun qo‘lga olmoqchi bo‘lishdi, biroq aslida uni muholif faoliyati uchun hibsga olishmoqchi edi. Otam Batukayev ishi bo‘yicha barcha bilganlarini OAVga aytib bergan bo‘lsada, Konstitutsiyaviy sudning so‘roq bo‘yicha qarorini kutishlarini talab qildi. Tergov organlariga barcha ma’lumotlarni yozma ravishda taqdim etishga tayyorlanayotgan edi. Biz axir Kuban Kulmatov va Sapar Isakov “guvohlik ko‘rsatmasi”ni berish uchun borib, hibsga olinganini eslaymiz. Hech qanday sudsiz, hech qanday surishtiruvsiz.
Otamning so‘zlariga ko‘ra, ushbu vaziyat qonuniy doiraga tushgunga qadar va Konstitutsiyaviy sud qarori chiqmagunigacha, biz o‘zimizni himoya qilish huquqiga egamiz. Shu sababli sobiq prezidentning uyiga amalga oshirilgan har qanday hujum jinoyat hisoblanadi.
Maxsus xizmat xodimlari otam har kuni o‘zini qo‘llab-quvvatlashga kelgan odamlarning oldiga chiqadigan paytda bostirib keldi. Ko‘pchilikni hujum otam bilan shunchaki rasmga tushish uchun kelgan ayollar va bolalar to‘plangan vaqtda amalga oshirilishi g‘azabga keltirdi. Ya’ni hukumat tomonidan noqonuniy hujumni uyushtirish bo‘yicha ataydan belgilangan vaqt ommaviy mojaroni keltirib chiqardi.
Bundan tashqari, Milliy xavfsizlik davlat qo‘mitasi avvaliga faqat travmatik qurollardan foydalanganini aytganiga qaramay, keyin o‘nlab o‘qotar qurol va patronlar yo‘qolganini bildirdi.
Otam hibsga olinganidan keyinoq menga qo‘ng‘iroq qilib, yangi qurbonlar bo‘lmasligi uchun kuchishlatar tuzilmalarga taslim bo‘lganini aytdi. Haqiqat biz tarafda. Otam noqonuniy ravishda qo‘lga olindi! Otam — mansabidan mardlarcha ketgan halol odam. Bizga hozir juda zarur qo‘llab-quvvatlov uchun rahmat!”, — deb yozadi Shagiyeva.
https://www.facebook.com/100008269804656/videos/2429240320694938/
Izoh (0)