Insoniyat 2019-yil uchun Yer resurslari zaxirasini tugatdi

Insoniyat 29-iyul, dushanba kuni 2019-yil uchun qayta tiklanadigan tabiiy zaxiralarni tugatdi. “Korrespondent.net”ning xabar berishicha, bu haqda Global Footprint Network xalqaro tashkiloti hisobotida qayd etildi.

Odamzod tabiatdan ekotizim o‘zini tiklash vaqtidan 1,75 marta tezroq foydalanmoqda. Bu Yerning 1,75 resurslaridan foydalanayotganimiz kabidir”, — deyiladi xabarda.

Qayd etilishicha, bunday foydalanish oqibatida o‘rmonlar kamayishi, tuproq yemirilishi, bioxilma-xillikning yo‘qolishi va atmosferada karbonad angidrid ko‘payishi mumkin, bu esa o‘z navbatida iqlim o‘zgarishlariga olib keladi.

Bizda faqat bitta Yer bor, u bizning mavjudligimizni hal qiluvchi asosdir. Biz Yerning 1,75 dan halokatli oqibatlarsiz foydalana olmaymiz”, — degan Global Footprint Network asoschisi Matis Vakernagel.

Hisobotdagi ko‘rsatkichlar 1986-yildan boshlab hisoblangan. Har yili sayyora resurslarining o‘zini tiklash kesishuvi borgan sari vaqtliroq boshlanmoqda. 1993-yilda bu vaqt 21-oktabrda kesishgan bo‘lsa, 2003-yilda bu 22-sentabrda sodir bo‘ldi. 2017-yilda esa 2-avgustga to‘g‘ri kelgan.