Zelenskiy 20 mamlakatdagi Ukrainaning 11 elchisini ishdan bo‘shatdi

Ukraina prezidenti Vladimir Zelenskiy bir guruh diplomatlarni ishdan bo‘shatish haqidagi farmonni imzoladi. Bu haqda “RBK” xabar qiladi.

Yigirmata turli mamlakatda Ukrainaning vakili bo‘lgan 11 elchi bir vaqtning o‘zida o‘z lavozimidan ozod qilindi.

Eng muhim kadrlar o‘zgarishi Ukrainaning AQShdagi favqulodda va muxtor elchisi, shuningdek Trinidad va Tobago respublikasi, Antigua va Barbuda davlatlari elchisi lavozimini egallagan Valeriy Chaliyning lavozimidan bo‘shatilishi bo‘ldi.

Chaliy 2015-yilning 10-iyulidan Ukrainaning AQShdagi elchisi lavozimida ishlagan, bundan oldin esa u sobiq Ukraina prezidenti Pyotr Poroshenko administratsiyasi boshlig‘i o‘rinbosari bo‘lib ishlagan.

Boshqa farmonlar bilan Ukrainaning quyidagi elchilari ishdan bo‘shatildi:— Iordaniya - Sergey Pasko;— Argentina, Paragvay, Urugvay va Chili - Yuriy Dyudin;— Vatikan va gospitalerlar ordeni - Tatyana Ijevskaya;— Turkmaniston - Valentin Shevalev;— Vyetnam va Kambodja - Aleksey Shovkoplyas;— Armaniston - Pyoter Litvin;— Nigeriya, Gana, Benine va Sierra-Leone - Valeriy Aleksandruk;— Janubiy Afrika - Taras Kuzmich;— Marokash - Yaroslav Koval;— Kiprda - Boris Gumenyuk.