AQSh prezidenti Donald Tramp, Twitter ijtimoiy tarmog‘ida Shvetsiya Bosh vaziri Stefan Levandan amerikalik reper A$AP Roki’ni hibsdan ozod qilish bo‘yicha shaxsan o‘zi shug‘ullanishini so‘rab murojaat qildi. Bu haqida “Meduza” xabar beradi.
Tramp Shvetsiya Bosh vaziri bilan telefon orqali suhbati chog‘ida amerikalik reperning adolatdan qochishga urinmasligini aytdi.
Qayd etilishicha, Shvetsiya bosh vaziri Shvetsiya sud tizimi hukumatning boshqa organlaridan mustaqil ekanligini aytgan.
Iyulning boshida Stokgolm sudi tomonidan amerikalik reper shahar markazida ikki kishiga hujum qilganlikda gumonlanib hibsga olingan. Ammo reperning ta’kidlashicha, u o‘zini ko‘chadagi “xirapashsha” yo‘lovchilardan himoya qilgan.
A$AP Roki’ning haqiqiy ismi Rakim Mayers bo‘lib, u AQShdagi eng mashhur zamonaviy reperlardan biridir. Uning dastlabki ikki albomi Billboard hit-parad reytinggida birinchi o‘rinni egalladi.
Izoh (0)