Ayrim manbalarda Irkutskdagi suv toshqinlarida halok bo‘lganlar soni 16 kishiga yetgani aytilmoqda, deb yozadi “Exo Moskvi”. Rasmiy ma’lumotlarga ko‘ra, qurbonlar soni hozircha 14 kishidan oshmagan.
Suv toshqini oqibatida qariyb 760 kishi jabrlangan, ularning 150 nafari kasalxonaga yotqizilgan, 50 dan ortiq aholi punktlari suv ostida qolgan. Hududda o‘tgan haftadan buyon favqulodda rejim amal qilmoqda.
Eslatib o‘tamiz, 29-iyun kun Rossiyaning Irkutsk viloyatida kuzatilgan kuchli yomg‘ir uchta daryo suvining o‘zanidan toshishiga olib kelgan. Oqibatda 3,8 mingta uyga zarar yetkazgan, ularda 9 ming kishi yashashi aytilmoqda.
O‘zbekistonning Novosibirskdagi bosh konsulligi Rossiya Favqulodda vaziyatlar vazirligining Irkutskdagi hududiy bo‘linmasiga asoslanib, jarohatlangan orasida O‘zbekiston fuqarolari qayd etilmaganini ma’lum qilgan.
Izoh (0)