Davlat rahbari 2019-yilning 10-yanvar kuni Toshkent shahridagi ichki ishlar organlari faoliyati bilan tanishish davomida Yunusobod tumani bo‘yicha Ichki ishlar organlari faoliyatini muvofiqlashtirish boshqarmasi 7-son ichki ishlar bo‘limida bergan topshiriqlari asosida O‘zbekiston Respublikasi Vazirlar Mahkamasining 2019-yil 5-apreldagi 245-f-son farmoyishi qabul qilindi, deya xabar berdi vazirlik matbuot xizmati.
Ichki ishlar vazirligi tomonidan tergov-tezkor guruhlari uchun 16 dona maxsus transport vositalari ajratilib, ular zarur asbob-uskunalar, xususan, kompyuter texnikasi, aloqa vositalari, uchuvchisiz uchadigan apparatlar (dron) va boshqa zaruriy texnikalar bilan jihozlandi.
Kecha Vazirlik huzuridagi Tergov departamentining Boshqarma boshlig‘i polkovnik Baxtiyor Berdialiyev tomonidan ushbu maxsus transport vositalari Qoraqalpog‘iston Respublikasi Ichki ishlar vazirligi, Toshkent shahar va Toshkent viloyati Ichki ishlar bosh boshqarmalari, viloyatlar Ichki ishlar boshqarmalari hamda IIV Transportda xavfsizlikni ta’minlash bosh boshqarmasiga topshirildi.
“Albatta, bu maxsus texnikalar kelgusida jinoyatchilikka qarshi kurashishda o‘z samarasini beradi”, — deyiladi xabarda.
Izoh (0)