Germaniya va Niderlandiya tarixda birinchi harbiy internetni yaratish bo‘yicha hamkorlik qilishga kelishib oldi, deb xabar beradi “Korrespondent.net”.
Tegishli bitim Germaniya mudofaa vaziri Ursula fon der Lyayen hamda Niderlandiya mudofaa vaziri Ank Beyleveld tomonidan NATO’ga a’zo mamlakatlar vazirlarining Bryusselda o‘tkazilgan yig‘ilishida imzolandi.
Yangi birlashgan tarmoq Tectical Edge Networking (TEN) nomini oladi va NATO’ga a’zo davlatlarning harbiy tarmoqlarini o‘zida birlashtiradi.
Taxminlarga ko‘ra, birinchi bosqichda tarmoq orqali Germaniya armiyasining yer usti operatsiyalari (D-LBO) hamda Niderlandiya Mudofaa vazirligining FOXTROT taktik kommunikatsiya dasturi o‘zaro birlashtiriladi.
TEN’ning shtab-kvartirasi Germaniyaning Koblens shahrida joylashadi, texnologik dizayni bilan esa Amersfort mutaxassislari shug‘ullanadi. Tarmoqni rivojalantirish bir necha million yevroga baholanmoqda.
Izoh (0)