Venesuelada halok bo‘lgan namoyishchilar soni ortmoqda

Venesuela poytaxti Karakasda sodir bo‘lgan norozilik namoyishlari oqibatida 27 yoshli qiz halok bo‘ldi, deb xabar beradi “Gazeta.ru”.

Ma’lumotlarga ko‘ra, qiz boshidan olgan jarohati oqibatiga vafot etgan.

Manbaning qo‘shimcha qilishicha, qiz Karakasning Altamir tumanidagi katta yo‘l kesishmasida o‘ldirilgan. Shuningdek, Aragua shtatida ham yana bir kishi halok bo‘lgani aytilmoqda.

1-may kuniga bag‘ishlangan mitingda so‘zga chiqqan Maduro davlat to‘ntarishini amalga oshirishga uringan muxolifatning maqsadi venesuelaliklarning o‘zaro qirg‘inbarotini keltirib chiqarish ekanini bildirgan edi.