Kaliforniya shtatining Okland shahridan bo‘lgan to‘rt yashar Navon Jekson oilaviy do‘stining uyidan to‘pponcha topgan va tasodifan boshiga o‘q uzgan, deya xabar beradi “ForumDaily”.
Bola omon qolgan — u komadan hozir hushiga kelgan. Navon o‘qotar quroldan zarar ko‘rgan oilaning beshinchi a’zosidir. Oila hozirgacha to‘rt kishini yo‘qotishga ulgurgan.
Barchasi 27-mart kuni sodir bo‘lgan. Navon yaqin hududdagi kasalxonaga olib borilgan va intensiv terapiya bo‘limiga joylashtirilgan. Shifokorlar uning hayoti uchun kurashgan. Oila otishma sababli yana bir qarindoshini yo‘qotishdan juda qo‘rqqan.
Hozirda Navonning holati barqaror, lekin uning onasi Bridjana Prays hali ham bu haqida gapira olmaydi. Bola bir hafta davomida komada bo‘lgan — u bu holatga tibbiy sabablarga ko‘ra tushgan.
Navon ko‘zlarini ochgan. 3-aprel kuni bobosi Ramon Prays Facebook’da bolaning harakatlanayotgani, ko‘zlarini ochgani, yo‘talayotgani, oyoq va qo‘llarini harakatga keltirayotganini yozgan. Shundan buyon bolaning ahvoli barqarorlashgan, u jonlantirish bo‘limidan oddiy xonaga joylashtirilgan.
Bir qator fojiali hodisalardan so‘ng Navonning oilasi bu oxirgisi bo‘lishidan umidvor. Bolaning otasi Neytan Jekson qurol ishlatgani uchun ikki aka-uka va singlisidan ayrilgan.
2010-yilda 18 yoshli Nario Jekson G‘arbiy Oklendda jinoiy to‘da tomonidan otib o‘ldirilgan. Bir yildan so‘ng, 16 yoshli Najon Jekson Sharqiy Oklenddagi buvisining uyi yonida otishma sababli halok bo‘lgan. O‘tgan yili xuddi shu yerda avtomobilda 21 yoshli Elless Makfi otib o‘ldirilgan.
Bridjanna Prays ham otishma oqibatida ukasini yo‘qotgan. 2012-yilda, 17 yoshli Lamont o‘zining tanishi tomonidan otib o‘ldirgan.
Izoh (0)