31-martga o‘tar kechasi yonayotgan shar osmonni kesib o‘tdi. Bu haqda National Geographic xabar berdi.
Foto: American Meteor Society
Ko‘pgina amerikaliklar uy va uning hududini masofadan nazorat qilish uchun video registratorlardan foydalanadi. Shu sabab bir necha soniya davom etgan yirik meteorning qulashi har xil rakurslardan suratga olingan.
Can Somebody Explain This! #area51 #ufo #meteor @bbcnews @igersjax @news4jax @abcnews #news #newsjax #shootingstars #jacksonvilleflorida ☄️ pic.twitter.com/P28wp5tkGE
— Jeffrey Cardona (@jeffreycardona1) March 31, 2019
Bu video Florida shtati, Duval okrugi, Jeksonvillda olingan. Ushbu osmon hodisasi Bek okrugi, Yangstaunda ham kuzatilgan:
Amerikaning meteorlarni kuzatish notijorat tashkiloti Florida, Alabama va Janubiy Karolina shtatidan umumiy hisobda 248 ta video olgan.
Eng yorqin meteorit esa Jorjiya shtati janubida Valdostoy osmonida kuzatilgan. Lekin u Yer bilan to‘qnashdimi yoki atmosferada yonib ketdimi, noma’lum.
Osmondagi yorqin nur ham ob-havo sun’iy yo‘ldosh uskunasi bilan videoga olingan. U momaqaldiroq yo‘lining xaritasini yaratish uchun soniyada yuzlab tasvirlarmi oladi.
Did you see it? A meteor was caught on GOES Lightning Mapper (GLM) around 3:52Z or 11:52 PM ET! pic.twitter.com/6FnUCN83EJ
— NWS Tallahassee (@NWSTallahassee) March 31, 2019
CNN meteorologi Heyli Brink shunday izohlaydi: “Meteoritlar bizga tez-tez uchib keladi, lekin biz ularni har doim ham ko‘rmaymiz. Endi osmonda joylashgan sun’iy yo‘ldoshlar va Yer yuzidagi videokameralar yordamida bu hodisalar keng jamoatchilikka yanada kengroq yetib boradi”.
