21-mart, payshanba kuni futbol bo‘yicha Yevropa Chempionatining saralash bosqichi doirasida guruhlarda 1-tur uchrashuvlariga start berildi.
2018-yil Rossiyada bo‘lib o‘tgan futbol bo‘yicha Jahon Chempionati finalchisi Zlatko Dalich qo‘l ostidagi Xorvatiya terma jamoasi o‘z maydonida Ozarbayjon termasini qabul qildi.
Bellashuv davomida ozarbayjonlik futbolchining 19-daqiqada kiritgan goliga xorvatiyaliklar Borna Barishich (44) hamda Andrey Kramarichning (79) gollari bilan javob qaytardi.
Shu tariqa Xorvatiya terma jamoasi o‘z uyida kechgan bahsda Ozarbayjonni 2:1 hisobida mag‘lub etdi va dastlabki 3 ochkoni qo‘lga kiritdi.
Shu kuni Roberto Martines boshliq Belgiya terma jamoasi Stanislav Cherchesov boshqaruvidagi Rossiya termasiga qarshi maydonga tushdi.
O‘yinning 14-daqiqasida belgiyalik yarim himoyachi Yuri Tilemans hisobni ochgan bo‘lsa, oradan ikki daqiqa o‘tib Tibo Kurtuaning xatosidan unumli foydalangan Denis Cherishev hisobni tenglashtirdi (1:1). 45 va 88-daqiqalarda Eden Azar Rossiya darvozasini ishg‘ol qilib, dublga erishdi (3:1).
Shu tariqa Belgiya terma jamoasi o‘z maydonida Rossiya termasi ustidan ishonchli g‘alabaga erishdi (3:1).
Niderlandiya terma jamoasi bo‘lsa, o‘z uyida Belarus termasini sinovdan o‘tkazdi.
Uchrashuvda Memfis Depay (1, 55-daqiqalar), Jorjinio Veynaldum (21) hamda Virjil van Deyk (86) tomonidan kiritilgan gollar niderlandiyaliklarning yirik g‘alabasini ta’minladi (4:0).
Polsha terma jamoasi esa safarda Kshishtof Pyontekning goli evaziga Avstriyani mag‘lub etib, dastlabki uch ochkosini qo‘lga kiritdi.
Yevro—2020
Saralash, 1-tur bahslari
21-mart, payshanba
“C” guruhi
Shimoliy Irlandiya—Estoniya 2:0
Gollar: 1:0 — 56 Makgini, 2:0 — 75 DevisNiderlandiya—Belarus 4:0
Gollar: 1:0 — 1 Depay, 2:0 — 21 Veynaldum, 3:0 — 55, penalti, Depay, 4:0 — 86 Van Deyk“E” guruhi
Xorvatiya—Ozarbayjon 2:1
Gollar: 0:1 — 19 Sheydayev, 1:1 — 44 Barishich, 2:1 — 79 KramarichSlovakiya—Vengriya 2:0
Gollar: 1:0 — 42 Duda, 2:0 — 85 Rusnak“G” guruhi
Avstriya—Polsha 0:1
Gol: 0:1 — 69 PyontekMakedoniya—Latviya 3:1
Gollar: 1:0 — 11 Alioski, 2:0 — 29 Elmas, 2:1 — 87 Isajevs, 3:1 — 90 ElmasIsroil—Sloveniya 1:1
Gollar: 0:1 — 48 Sporar, 1:1 — 55 Zaxavi“I” guruhi
Qozog‘iston—Shotlandiya 3:0
Gollar: 1:0 — 6 Persux, 2:0 — 10 Vorogovski, 3:0 — 51 ZaynutdinovKipr—San Marino 5:0
Gollar: 1:0 — 19 Sotiriu, 2:0 — 23 Sotiriu, 3:0 — 26 Kousoulos, 4:0 — 31 Efrem, 5:0 — 56 LaifisBelgiya—Rossiya 3:1
Gollar: 1:0 — 14 Tilemans, 1:1 — 16 Cherishev, 2:1 — 45, penalti, Azar, 3:1 — 88 AzarYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)