Ayni paytda Toshkent shahridagi Humo Arena kompleksida Navro‘z bayrami tantanalari o‘tkazilmoqda.
Tantana avvalida O‘zbekiston Prezidenti Shavkat Mirziyoyev nutq so‘zlab mamlakat aholisini bayram bilan tabrikladi.
“Hurmatli do‘stlar, barchamiz ushbu betakror faslda o‘zimizni yosharib ketgandek, vujudimizga azm-u shijoat jo‘sh urgandek his etamiz. Necha yuz yillik an’ana va qadriyatlarimizni qaytadan kashf etamiz, qanday buyuk tarix, qanday buyuk madaniyat vorislari ekanligimizni yana bir bor anglaymiz va bundan qalblarimiz g‘urur va iftixorga to‘ladi. Bu yilgi Navro‘z bayrami ushbu muazzam saroyda o‘tayotganida o‘ziga xos ramziy ma’no bor. Afsonaviy Humo qushi bu ezgulik va baxt timsoli. Navro‘z esa bahor va baxt ayyomi. Bu ikki ulug‘ timsol — Humo va Navro‘z o‘zaro uyg‘un bo‘lib, hayotimizni yanada mazmunli va munavvar etgay, Inshoolloh”, — deydi O‘zbekiston Prezidenti.
Navro‘z bayrami tantanalari “O‘zbekiston 24” telekanali va O‘zbekiston Prezidentining Facebook’dagi sahifasida to‘g‘ridan to‘g‘ri namoyish etildi.
Izoh (0)