2018-yilning 3-dekabridan boshlab orbitada bo‘lgan 39-yoshli NASA astronavti Enn Makkleyn shu vaqt mobaynida sezilarli darajada o‘sdi, deb yozadi “TASS”.
“Men orbitaga ko‘tarilgan paytimdan beri ikki dyuym (besh santimetrdan sal ko‘proq)ga o‘sdim”, — deb yozgan amerikalik ayol skafandrni kiyib ko‘rganidan so‘ng o‘zining Twitter’dagi sahifasida.
Xabarda aytilishicha, Yaponiyaning JAXA aerokosmik tadqiqot agentligi gravitatsiyaning yo‘qligi sababli odamlar bo‘yi odatda taxminan 1—2 santimetrga o‘sishini aytgan.